නියූ රාජ්‍යය මගින් නිකුත්කරන ලද නවතම කාසි කිහිපයක් සඳහා Star Wars චරිතවල රුව

දක්ෂිණ ශාන්තිකර සාගරයේ පිහිටි 'නියූ' රාජ්‍යය මගින් නිකුත්කරන ලද නවතම කාසි කිහිපයක් සඳහා එම කාසිවල එක් මුහුණතක ලෝක ප්‍රකට සිනමා නිර්මාණයක් වනStar Wars චිත්‍රපටයෙහි එන චරිතවල රුව ඇතුළත් කර ඇති බව වාර්තා වේ. ඩාර්ත් වාදර්, ලූක් ස්කයිවෝකර්,යෝඩා,ඔබී -වැන් කෙනොබි සහ ලියා කුමරිය‍ගේ රුව සහිතව මෙම කාසි නිකුත්කර තිබෙන කාසියේ අනෙක් පස රැජිණගේ රුව ඇතුළත් කර ඇත. මෙම කාසි මින්ඉදිරියට නියූ රාජ්‍යයේ වෙළඳ කටයුතු සඳහා වලංගු වන බව සඳහන්ය.


මෙම කාසි විවිධ වටිනාකමින් යුක්ත වන අතර දෙවන එලිසබත් රැජිණගේ රුව සහිත රිදී කාසියේ යූරෝ 1ක පමණ වටිනාකමක් සටහන් කර ඇත. මෙම සිනමා තාරකාවන්ගේ රුව රැගත් මෙම කාසි, විනෝදාංශයක් ලෙස කාසි එකතුකරන්නන් අතර බෙහෙවින් ජනප්‍රිය වනු ඇති බවට විශ්වාසය පළව තිබේ.
--...අද දෙරණ වෙබ් අඩවියෙන් උපුටා ගත්තකි....--