ඩෙංගු අවදානම සහිත දිස්ති‍්‍රක්ක 11 ක ඩෙංගු මර්දන වැඩසටහන් මෙම 14 හා 15 යන දින වල දී
ජාතික තරුණ සේවා සභාව, යෞවන කටයුතු හා නිපුණතා සංවර්ධන අමාත්‍යාංශය සහ ශී‍්‍ර ලංකා යෞවන සමාජ සම්මේලනය එක්ව සංවිධානය කරනු ලබන දිවයිනේ ඩෙංගු අවදානම සහිත දිස්ති‍්‍රක්ක 11ක ඩෙංගු මර්දනය කිරීමේ හා ප‍්‍රජාව දැනුවත් කිරීමේ වැඩසටහනේ සමාරම්භක උත්සවය මෙම 14 දා පෙරවරු 8.00 ට, මහරගම නගර සභාව ඉදිරි පිට දී පැවැත්වේ.
මෙම ඩෙංගු මර්දන වැඩසටහන ජූලි 14 දා කොළඹ, පුත්තලම, කුරුණෑගල, ගම්පහ යන දිස්ති‍්‍රක්ක වලද, ජූලි 15 දා මහනුවර, බදුල්ල, කෑගල්ල, රත්නපුර, යාපනය, වවුනියාව හා ගාල්ල යන දිස්ති‍්‍රක්ක වල ද වඩාත් ඩෙංගු අවදානම සහිත ස්ථාන 82 කදී පැවැත්වෙන අතර, මේ සඳහා යෞවන සමාජ තරුණ තරුණියන් හා ප‍්‍රදේශවාසීන් 20,000 කගේ පමණ සහභාගිත්‍වය ලබා ගැනේ.
මෙහි සමාරම්භක උත්සවය යෞවන කටයුතු හා නිපුණතා සංවර්ධන අමාත්‍ය ඩලස් අලහප්පෙරුම, සෞඛ්‍ය අමාත්‍ය මෛතී‍්‍රපාල සිරිසේන යන මැතිතුමන්ලාගේ් ප‍්‍රධානත්‍වයෙන් සහ ජාතික තරුණ සේවා සභාවේ සභාපති/ අධ්‍යක්‍ෂ ජනරාල් නීතිඥ ලලිත් පියුම් පෙරේරා, මහරගම නගරාධිපතිනී කාන්ති කොඩිකාර යන මහත්ම මහත්මීන්ගේ සහභාගිත්‍වයෙන් පැවැත්වේ.
මෙම ඩෙංගු මර්දන වැඩ සටහනේ දී ඒ ඒ ප‍්‍රදේශ වල ඩෙංගු මර්දන ශ‍්‍රමදාන හා ගෙයින් ගෙට ගොස් ජනතාව දැනුවත් කිරීමේ වැඩසටහන්, අත් පති‍්‍රකා බෙදාහැරීම් හා ඩෙංගු මර්දනය පිළිබඳ වීදි නාට්‍ය ප‍්‍රදර්ශනය කිරීමට ද නියමිත අතර, මේ සඳහා ඒ ඒ කොට්ඨාශ වල සෞඛ්‍ය වෛද්‍ය නිලධාරී කාර්යාල, පොලිස් ස්ථාන හා පළාත් පාලන ආයතන වල සහාය ද ලබා ගැනේ.
More >>> www.srilankayouthnews.com
0 comments:
Post a Comment