විද්‍යාපීඨවලට සිසුන් බඳවාගැනීමේ විභාගය නොවැම්බර් මස 2 වන සතියේ
2012 වසර සඳහා විද්‍යාපීඨවලට සිසුන් බඳවාගැනීමේ විභාගය නොවැම්බර් මස 2 වන සතියේ පැවැත්වීමට නියමිත බව විද්‍යාපීඨ ප්‍රධාන කොමසාරිස් තිස්ස හේවාවිතාන මහතා පවසයි.
ඉංග්‍රීසි හා තොරතුරු තාක්ෂණය යන පාඨමාලාවන්ට පමණක් සුදුසුකම් මත විභාගය සඳහා සිසුන් තෝරාගනු ලබයි.
අනෙකුත් පාඨමාලා සඳහා උසස් පෙළ ඉසෙඩ් ලකුණු මත සිසුන් තෝරා ගැනීම සිදු කෙරෙයි.
මෙවර විද්‍යාපීඨ සඳහා සිසුන් හැටදෙදහස් පන්සියයක් ඉල්ලුම් කර තිබෙන අතර එයින් සිසුන් 3300 ක් පමණ තෝරා ගැනීමට නියමිතය.
මේ සඳහා වන සම්මුඛ පරීක්ෂණ දිවයින පුරා පිහිටි විද්‍යාපීඨ මධ්‍යස්ථාන මඟින් පැවැත්වීමට නියමිත අතර ලබන ජනවාරී මස සියලු පාඨමාලා ආරම්භ කරන බව විද්‍යාපීඨ ප්‍රධාන කොමසාරිස් තිස්ස හේවාවිතාන මහතා ප්‍රකාශ කළේය.
0 comments:
Post a Comment